Naiya DatuE naakkataiwi massolompawo, mangelle' wae pasang. 
Majeppu, ripattuppui ri tangnga'na tudang ade', iya topa tangnga'na Tomarajae, 
Pattuppu Batunna Tana Luwu, na rimakkuannaro mamminasai 
Datu Luwu ri Watampare, rilaleng minasanna maelo patarakkai alebbirengna Tana Luwu, kuwai adanna:

1. Tuli paroja ininnawangngi akkatana marajan Tana Luwu, iyana ritu le patarakka' marajangngi lipue mincaji Provinsi Tana Luwu; 

2. Pada si itakko laleng madeceng, le mu pada tuli patallei alemu ri onrang maraja, aja mu maelo ri beta cokkong RI coppo barateng;

3. Tuli pasitonrai pesse mu ri pada padamu To Luwu "siwata menreq teng siruiq no, aja na engka ki bettu perru ri padatta to Luwu e";

4. Mapparewe sumange' asseddigenna Tana Luwu, ta parewei gau' mulajajinna Luwu ri Lalebbatanna Kedatuan Luwu ri Watampare;

5. Patarenrei siwolong polongmu ri pada ikkeng To Pattuppu Batunna Tana Luwu, aja mu tatterre terre, mammuarei natarakka alebbirenna Tana Luwu.

Sikuanaro, mammuare ada-adae naletei barakka' pammese Dewata Puang Allahu Ta'ala

Wassalam alaikum warahmatullahi wa barakatuh 

Langkenae, 23 Januari 2023

Datu Luwu XL

H Andi Maradang Machulau SH Opu To Bau